കോന്നി : കോന്നി ഇഎംഎസ് പാലിയേറ്റീവ് ചാരിറ്റബിള് സൊസൈറ്റിയുടെ വള്ളിക്കോട് സോണല് ജനറല്ബോഡി യോഗം കോന്നി ബ്ലോക്ക് പഞ്ചായത്ത് പ്രസിഡന്റ് ജിജി സജി ഉദ്ഘാടനം ചെയ്തു. വള്ളിക്കോട് സര്വ്വീസ് സഹകരണ ബാങ്ക് ഓഡിറ്റോറിയത്തില് നടന്ന യോഗത്തില് പഞ്ചായത്ത് വൈസ് പ്രസിഡന്റ് സോജി പി ജോണ് അധ്യക്ഷത വഹിച്ചു. സോണല് സെക്രട്ടറി വില്സന് ജോസഫ് ചാങ്ങേത്ത് സ്വാഗതവും സോണല് കണ്വീനര് മനോജ് വള്ളിക്കോട് റിപ്പോര്ട്ടും അവതരിപ്പിച്ചു.
ചടങ്ങില് പാലിയേറ്റീവ് കെയര് നേഴ്സ് കുഞ്ഞുമോള് ബാബു, സോണലിലെ നിരവധി വീടുകള് സൗജന്യമായി അണുവിമുക്തമാക്കിയ റവ.ഫാ. ജോണ്സണ് വി.ജെ, സോണല് വാളന്റിയേഴ്സ് ജയശ്രീ, സുമംഗല എന്നിവരെ ആദരിച്ചു.
കിടപ്പു രോഗികള്ക്കുള്ള ഉപകരണങ്ങള് സോണലിനു വേണ്ടി പാലിയേറ്റീവ് കെയര് പ്രസിഡന്റ് ശ്യാംലാല് ഏറ്റുവാങ്ങി.
സോണല് ഓഫീസിന്റെ ഉദ്ഘാടനവും അദ്ദേഹം നിര്വ്വഹിച്ചു.
യോഗത്തില് പുതിയ സോണല് ഭാരവാഹികളെ തെരഞ്ഞെടുത്തു. രക്ഷാധികാരികളായി വള്ളിക്കോട് ഗ്രാമ പഞ്ചായത്ത് പ്രസിഡന്റ് ആര്. മോഹനന് നായര് , ബ്ലോക്ക് പഞ്ചായത്ത് വൈസ് പ്രസിഡന്റ് നീതു ചാര്ളി എന്നിവരെയും സോണല് പ്രസിഡന്റ് – വിത്സന് ജോസഫ് ചാങ്ങേത്ത്, വൈസ് പ്രസിഡന്റ് – റവ.ഫാ. ജിജി തോമസ്, സോണല് സെക്രട്ടറി – മനോജ് വള്ളിക്കോട്, ജോയിന്റ് സെക്രട്ടറി – സുലേഖ ജയകുമാര് എന്നിവരെയും തെരഞ്ഞെടുത്തു.
