പത്തനംതിട്ട : കാലവര്‍ഷക്കെടുതിയില്‍ നാശനഷ്ടം സംഭവിച്ചവര്‍ക്ക് യഥാര്‍ഥ നാശനഷ്ട കണക്കെടുത്ത് നഷ്ടപരിഹാരം അടിയന്തരമായി വിതരണം ചെയ്യണമെന്ന് അഡ്വ.പ്രമോദ് നാരായണ്‍ എംഎല്‍എ നിവേദനത്തിലൂടെ മുഖ്യമന്ത്രി പിണറായി വിജയനോടും റവന്യു വകുപ്പ് മന്ത്രി കെ.രാജനോടും അഭ്യര്‍ഥിച്ചു.
മണിമലയാര്‍ കരകവിഞ്ഞ് കോട്ടാങ്ങല്‍ പഞ്ചായത്തിലെ നിരവധി വീടുകള്‍ക്കും കടകള്‍ക്കും നാശനഷ്ടമുണ്ടായി. കൃഷി നശിച്ചു കന്നുകാലികള്‍ ഉള്‍പ്പെടെയുള്ളവ ഒഴുകിപ്പോയി. ഏകദേശം അഞ്ചു കോടി രൂപയോളം നഷ്ടമുണ്ടായതായി കണക്കാക്കുന്നു. നാറാണംമൂഴി പഞ്ചായത്തിലെ കുരുമ്പന്‍മൂഴിയില്‍ ഉരുള്‍പൊട്ടലുണ്ടായി ഇതുപോലെ നാശനഷ്ടം സംഭവിച്ചിട്ടുണ്ട്. ഈ രണ്ട് പ്രകൃതിക്ഷോഭങ്ങള്‍ക്കും ഇരയായവര്‍ക്കാണ് സര്‍ക്കാര്‍ നേരത്തെ നിശ്ചയിച്ചിട്ടുള്ള പരിമിതമായ നാശനഷ്ടം ഒഴിവാക്കി യഥാര്‍ഥത്തില്‍ ഉണ്ടായ നാശനഷ്ട കണക്ക് എടുത്ത് അതിനനുസരിച്ച് നഷ്ടപരിഹാരം നല്‍കണമെന്ന് അഭ്യര്‍ഥിച്ചത്.
