മോസ്കോ : ഇന്ത്യന് നാവികസേനയുടെ കരുത്ത് കൂട്ടി ഐ.എന്.എസ് തുഷില്. റഷ്യയിലെ കപ്പല് നിര്മ്മാണശാലയായ കിലിന്ഗ്രാഡിലെ യാന്തറില് നിന്നാണ് ഇന്ത്യ പുതിയ യുദ്ധക്കപ്പല് ഏറ്റുവാങ്ങിയത്. പി 113.6 വിഭാഗത്തില്പ്പെട്ട ഏഴാമത്തെ യുദ്ധക്കപ്പലാണ് ഇന്ത്യ സ്വന്തമാക്കിയത്. സംസ്കൃത ഭാഷയില് കവചമെന്ന് അര്ത്ഥം വരുന്ന തുഷില് എന്ന പേരാണ് ഇന്ത്യ യുദ്ധകപ്പലിന് നല്കിയത്.
റഷ്യയില് നടന്ന ചടങ്ങില് ഇന്ത്യന് സ്ഥാനപതി ദത്താ വിദ്യാബാലാ വെങ്കടേഷ് വര്മ്മയാണ് യുദ്ധക്കപ്പല് ഏറ്റുവാങ്ങിയത്. റഷ്യയുമായി ഇന്ത്യ ഒപ്പിട്ടിരിക്കുന്ന ഇരുപതിനായിരം കോടിയുടെ പ്രതിരോധ കരാറിന്റെ ഭാഗമായിട്ടാണ് കപ്പല് സ്വന്തമാക്കിയത്. നാല് കപ്പലുകള് കൂടി കരാര് പ്രകാരം റഷ്യ നിര്മ്മിച്ച് ഇന്ത്യക്ക് കൈമാറും.
ഇനി നിര്മ്മിക്കാന് പോകുന്ന നാല് കപ്പലുകളുടെ രൂപകല്പ്പന ഇന്ത്യയും റഷ്യയും സംയുക്തമായി തയ്യാറാക്കികഴിഞ്ഞു. കരാര് പ്രകാരം രണ്ടു യുദ്ധക്കപ്പലുകള് റഷ്യ യിലും രണ്ടെണ്ണം ഗോവയിലും നിര്മ്മിക്കുമെന്നാണ് ധാരണ. ആദ്യ ഘട്ടത്തില് ഐ.എന്.എസ് തല്വാര്, തൃശ്ശൂല്, തബാര് എന്നിവയും രണ്ടാം ഘട്ടത്തില് തേജ്, തര്ക്കഷ്, ത്രികാണ്ഡ് എന്നിവ ഇന്ത്യയുടെ നാവികസേനാ വ്യൂഹത്തിന്റെ ഭാഗമായിക്കഴിഞ്ഞു.