മലയാളി അധ്യാപിക സൗദിയിൽ നിര്യാതയായി

ജിദ്ദ : മലയാളി അധ്യാപിക സൗദിയിൽ നിര്യാതയായി. ബുറൈദ ഇന്റർനാഷനൽ ഇന്ത്യൻ സ്കൂൾ അധ്യാപിക, ആലപ്പുഴ സ്വദേശിനി ജാസ്മിൻ അമീൻ (53) ആണ് മരിച്ചത്. ജോലികഴിഞ്ഞ് വീട്ടിലെത്തിയ ശേഷം വിശ്രമിക്കുകയായിരുന്ന ജാസ്മിന് ദേഹാസ്വാസ്ഥ്യം അനുഭവപ്പെടുകയും ഉടൻ തന്നെ അടുത്തുള്ള ബുറൈദ സെൻട്രൽ ആശുപത്രിയിൽ എത്തിക്കുകയും ചെയ്തിരുന്നു. 10 വർഷത്തോളമായി ബുറൈദ ഇന്റർനാഷനൽ ഇന്ത്യൻ സ്കൂളിൽ അധ്യാപികയാണ്. ഭർത്താവ് : മുഹമ്മദ് അമീൻ. ആലിയ അമീൻ ഏക മകളാണ്. അൽ ഖസീമിലെ സാംസ്കാരിക – വിദ്യാഭ്യാസ പ്രവർത്തനങ്ങളിൽ നിറസാന്നിധ്യമായിരുന്നു ജാസ്മിൻ. മലയാളം മിഷൻ പ്രവർത്തനങ്ങൾക്കു നേതൃത്വം കൊടുത്തവരിൽ പ്രധാനിയുമായിരുന്നു.