ന്യൂഡൽഹി : രാജ്യത്ത് 24 മണിക്കൂറിനിടെ 11,919 പേർക്ക് കോവിഡ് സ്ഥിരീകരിച്ചു. 470 പേരാണ് മരിച്ചത്. 1,28,762 പേരാണ് നിലവിൽ രോഗബാധിതരായിട്ടുള്ളത്. രോഗം ബാധിച്ചവരുടെ ആകെ എണ്ണം 3,44,78,517 ആയി. 3,38,85,132 പേർ രോഗമുക്തരായി. ആകെ മരണം 4,64,623.
ഏറ്റവും കൂടുതൽ രോഗം റിപ്പോർട്ട് ചെയ്തത് കേരളത്തിലാണ്. 24 മണിക്കൂറിനിടെ 6,849 പേർക്കാണ് പുതുതായി രോഗം ബാധിച്ചത്. മഹാരാഷ്ട്രയിൽ 1,003 പേർക്കും തമിഴ്നാട്ടിൽ 782 പേർക്കും കർണാടകയിൽ 308 പേർക്കുമാണ് കോവിഡ് ബാധിച്ചത്. ഏറ്റവും കൂടുതൽ കേസും കേരളത്തിലാണ് – 64,383. കോവിഡ് ഏറ്റവും രൂക്ഷമായി ബാധിച്ച മഹാരാഷ്ട്രയിൽ 15,416 പേരാണു ചികിത്സയിലുള്ളത്.