ഇരുപതുകാരിയെ ബലാത്സംഗം ചെയ്ത കൊലപ്പെടുത്തിയ നിലയില്‍

മുംബൈ : കുര്‍ളയിലെ എച്ച്‌ഡിഐഎല്‍ കോമ്പൌണ്ടിണ്ടിലെ ഒഴിഞ്ഞ കെട്ടിടത്തിന്‍റെ ടെറസില്‍ ഇരുപതുകാരിയെ ബലാത്സംഗം ചെയ്ത ശേഷം കൊലപ്പെടുത്തിയ നിലയില്‍ കണ്ടെത്തി. ടെറസില്‍ കയറിയ മൂന്ന് യുവാക്കളാണ് മൃതദേഹം കണ്ടത്. അഴുകിത്തുടങ്ങിയ നിലയിലായിരുന്നു മൃതദേഹം. യുവാക്കള്‍ ഉടന്‍ പോലീസിനെ വിവരം അറിയിച്ചു. തലയ്ക്ക് ഗുരുതരമായി പരിക്കേറ്റ നിലയിലായിരുന്നു യുവതി. പരിശോധനയില്‍ യുവതി ക്രൂര ബലാത്സത്തിന് ഇരയായെന്ന് വ്യക്തമായി. പ്രതിയെക്കുറിച്ച്‌ നിലവില്‍ സൂചനയില്ല. നെഹറു നഗര്‍ പോലീസ് അന്വേഷണം നടത്തുകയാണ്.