സ്കൂട്ടറിൽ സഞ്ചരിച്ച യുവതിക്ക് നേരെ അതിക്രമം

കുന്നംകുളം : സ്കൂട്ടറിൽ സഞ്ചരിച്ച യുവതിക്ക് നേരെ ലൈംഗികാതിക്രമം. പെരുമ്പിലാവിൽ നിന്ന് കുന്നംകുളം ഭാഗത്തേക്ക് വന്നിരുന്ന യുവതിക്ക് നേരെയായിരുന്നു കുന്നംകുളത്ത് വെച്ച് അതിക്രമം. പിറകിൽ ചുവപ്പുനിറമുള്ള പൾസർ ബൈക്കിലെത്തിയ യുവാവ് ബൈക്ക് യുവതിയുടെ സ്കൂട്ടറിനോട് ചേർത്ത് പിടിച്ച് യുവതിയുടെ ശരീരത്തിൽ കയറി പിടിക്കുകയായിരുന്നുവെന്ന് പറയുന്നു. യുവതി ബഹളം വെച്ചതോടെ യുവാവ് കുന്നംകുളം ഭാഗത്തേക്ക് അതിവേഗത്തിൽ കടന്നു കളഞ്ഞു. കുന്നംകുളം അസിസ്റ്റന്‍റ് പോലീസ് കമ്മീഷണർ ടി.എസ്. സിനോജിന്റെ നേതൃത്വത്തിൽ പോലീസ് അന്വേഷണം ഊർജിതമാക്കി.