ഡല്‍ഹി : സംയുക്ത സൈനിക മേധാവി ബിപിന്‍ റാവത്ത് ഉള്‍പ്പെടെയുള്ളവരുടെ മരണത്തില്‍ ആദരാഞ്ജലി അർപ്പിച്ച് ഇന്ത്യന്‍ സൈന്യം. അപകടത്തില്‍ മരിച്ച 13 പേരുടെയും ആകസ്മിക വിയോഗത്തില്‍ അഗാധമായ ദുഃഖം രേഖപ്പെടുത്തുന്നുവെന്ന് സൈന്യം അറിയിച്ചു. ഇന്ത്യയുടെ ആദ്യത്തെ സംയുക്ത സൈനിക മേധാവിയാണ് ബിപിന്‍ റാവത്ത്.
ഇന്ത്യന്‍ സൈന്യത്തിന്റെ പ്രതിരോധ വിഭാഗത്തില്‍ ദൂരവ്യാപകമായ പരിഷ്‌കാരങ്ങള്‍ക്ക് തുടക്കമിട്ട ഒരു ദീര്‍ഘദര്‍ശിയായിരുന്നു അദ്ദേഹം. സൈന്യത്തിന്റെ സംയുക്ത തീയേറ്റര്‍ കമാന്‍ഡുകളുടെ അടിത്തറ സൃഷ്ടിക്കുന്നതിലും സൈനിക ഉപകരണങ്ങളുടെ വര്‍ധിച്ച സ്വദേശിവല്‍ക്കരണത്തിന് പ്രചോദനം നല്‍കുന്നതിലും അദ്ദേഹം പ്രധാന പങ്കുവഹിച്ചുവെന്ന് സൈന്യം പ്രസ്താവനയില്‍ അറിയിച്ചു
