കണ്ണൂര്‍ : പതിനഞ്ചുകാരിക്ക് നിരന്തരമായി അശ്ലീല സന്ദേശമയച്ച 52 കാരനെ അറസ്റ്റ് ചെയ്ത് പോലീസ്. മകളുടെ സഹപാഠിയായ പെണ്‍കുട്ടിക്കാണ് എല്‍ഐസി ഏജന്റായ കണ്ണൂര്‍ കടലായി കുറുവയിലെ കര്യങ്കണ്ടി വീട്ടില്‍ കെ.എസ് ഹരീഷിനെ കണ്ണൂര്‍ ടൗണ്‍ പോലീസ് അറസ്റ്റ് ചെയ്തത്. പോക്‌സോ കേസിലാണ് ഇയാളെ അറസ്റ് ചെയ്തത്.
സഹപാഠിയുടെ പിതാവെന്ന പരിചയം മുതലെടുത്ത് ഇയാള്‍ പതിനഞ്ചുവയസുകാരിക്ക് നിരന്തരം അശ്ളീല സന്ദേശം അയച്ചുവെന്നാണ് പരാതി. ഇതിനെ തുടര്‍ന്ന് പെണ്‍കുട്ടിയുടെ പരാതിയില്‍ ഹരീഷിന്റെ മൊബൈല്‍ ഫോണ്‍ പരിശോധിക്കുകയും അയച്ച സന്ദേശങ്ങള്‍ കണ്ടെടുക്കുകയും ചെയ്തിട്ടുണ്ടെന്നു പോലീസ് അറിയിച്ചു. പിടിയിലായ പ്രതിയെ കണ്ണൂര്‍ കോടതിയില്‍ ഹാജരാക്കി റിമാന്‍ഡ് ചെയ്തു.
