നെടുമങ്ങാട് താലൂക്ക് ഓഫീസിൽ സ്ത്രീയുടെ അതിക്രമം ; കമ്പ്യൂട്ടറുകളടക്കം നിലത്തെറിഞ്ഞ് നശിപ്പിച്ചു

തിരുവനന്തപുരം : നെടുമങ്ങാട് താലൂക്ക് ഓഫീസില്‍ സ്ത്രീയുടെ അതിക്രമം. ഓഫീസിലുണ്ടായിരുന്ന കമ്പ്യൂട്ടറുകളും ഇവര്‍ എറിഞ്ഞു തകര്‍ത്തു.
തടയാന്‍ ശ്രമിച്ച ജീവനക്കാരെയും ആക്രമിക്കാന്‍ ശ്രമിച്ചു. താലൂക്ക് ഓഫീസിലെത്തിയ സ്ത്രീ ജീവനക്കാരോടെല്ലാം ദേഷ്യത്തില്‍ സംസാരിച്ച ശേഷം കമ്പ്യൂട്ടറുകള്‍ ഓരോന്നായി നിലത്ത് എറിയുകയായിരുന്നു. ഓഫീസിലെ പുരുഷ ജീവനക്കാര്‍ ഇവരെ പിടിച്ചുമാറ്റാന്‍ ശ്രമിച്ചെങ്കിലും പുരുഷന്മാര്‍ തന്റെ ശരീരത്തില്‍ തൊടരുതെന്ന് പറഞ്ഞ് അലറുകയും വീണ്ടും കമ്പ്യൂട്ടറുകളും ഓഫീസിലെ മറ്റ് വസ്തുക്കൾ നശിപ്പിക്കുകയും ചെയ്തു. പിന്നീട് വനിതാ ജീവനക്കാരെത്തി ഇവരെ അവിടെനിന്നും പിടിച്ചുമാറ്റുകയായിരുന്നു.