റാന്നി : സി.പി.ഐ റാന്നി മണ്ഡലം കമ്മറ്റിയുടെ സെക്രട്ടറിയായി കെ.സതീശിനെ തിരഞ്ഞെടുത്തു. നിലവില് മണ്ഡലം അസിസ്റ്റന്റ് സെക്രട്ടറിയും എന്.ആര്.ഇ.ജി.എസ് മണ്ഡലം സെക്രട്ടറിയും തിരുവല്ല ഈസ്റ്റ് കോപ്പറേറ്റീവ് ബാങ്കിന്റെ ഡയറക്ടര് ബോര്ഡംഗവുമാണ്. എ.ഐ.എസ്.എഫിലൂടെയാണ് രാഷ്ട്രീയ പ്രവര്ത്തനം ആരംഭിച്ചത്. എ.ഐ.വൈ.എഫ് കല്ലൂപ്പാറ മണ്ഡലം സെക്രട്ടറി, ജില്ലാ ജോയിന്റ് സെക്രട്ടറി, സി.പി.ഐ കോട്ടാങ്ങല് ലോക്കല് സെക്രട്ടറി, കല്ലൂപ്പാറ മണ്ഡലം അസിസ്റ്റന്റ് സെക്രട്ടറി എന്നീ നിലയില് പ്രവര്ത്തിച്ചു.
മുന് മല്ലപ്പള്ളി ബ്ലോക്കു പഞ്ചായത്തംഗം, കോട്ടാങ്ങല് ഗ്രാമപഞ്ചായത്തംഗം, വായ്പ്പൂര് സര്വ്വീസ് സഹകരണ ബാങ്ക് പ്രസിഡന്റുമായിരുന്നു. സി.പി.ഐ ജില്ലാ സെക്രട്ടറി എ.പി ജയന്, ഓയില്പാം ഇന്ത്യാ ചെയര്മാന് എം.വി വിദ്യാധരന്, ജില്ലാ അസിസ്റ്റന്റ് സെക്രട്ടറി ഡി സജിയുടെയും സാന്നിധ്യത്തില് ചേര്ന്ന മണ്ഡലം കമ്മറ്റിയാണ് സെക്രട്ടറിയെ തിരഞ്ഞെടുത്തത്.
