റേഷന്‍ കടകളടച്ച ലൈസന്‍സികളുടെ നടപടി അംഗീകരിക്കാനാവുന്നതല്ല : മന്ത്രി ജി.ആര്‍ അനില്‍

കണ്ണൂര്‍ : സര്‍വര്‍ തകരാറുകള്‍ പരിഹരിച്ചിട്ടും ചൊവ്വാഴ്ച ചിലരുടെ പ്രേരണക്ക് വിധേയമായി റേഷന്‍ കടകളടച്ച ലൈസന്‍സികളുടെ നടപടി അംഗീകരിക്കാനാവുന്നതല്ലെന്ന് ഭക്ഷ്യ പൊതുവിതരണ ഉപഭോക്തൃകാര്യ ലീഗല്‍ മെട്രോളജി വകുപ്പ് മന്ത്രി ജി.ആര്‍ അനില്‍ പറഞ്ഞു. ജനങ്ങളെ സഹായിക്കേണ്ടവരാണ് റേഷന്‍ വ്യാപാരികള്‍ എന്ന ബോധ്യം ലൈസന്‍സികള്‍ക്കുണ്ടാവണമെന്നും അദ്ദേഹം സൂചിപ്പിച്ചു. കേരള സ്റ്റേറ്റ് സിവില്‍ സപ്ലൈസ് കോറപ്പറേഷന്റെ ഓണ്‍ലൈന്‍ വില്‍പനയുടെയും ഹോം ഡെലിവറിയുടെയും ജില്ലാതല ഉദ്ഘാടനം കണ്ണൂര്‍ സഭാഹാളില്‍ നിര്‍വ്വഹിച്ച്‌ സംസാരിക്കുകയായിരുന്നു അദ്ദേഹം.