തിരുവനന്തപുരം : കൊവിഡ് പോസിറ്റീവാണെങ്കിലും മണവും രുചിയും നഷ്ടപ്പെടുന്ന സാഹചര്യം ഒമിക്രോണില് ഇല്ലെന്ന് ആരോഗ്യമന്ത്രി വീണാ ജോര്ജ്. കോവിഡിന്റെ ഡെല്റ്റ വകഭേദത്തില് അത് കണ്ടതാണ്. പക്ഷേ ഒമിക്രോണിലേക്ക് എത്തുമ്പോള് അതില്ല. പനിയാണെങ്കിലും മണവും രുചിയും ഉണ്ടാകും. അതുകൊണ്ട് കോവിഡ് അല്ലെന്ന നിഗമനത്തില് സ്വയം എത്തരുത്.
കോവിഡ് ലക്ഷണങ്ങളുള്ളവര് പരിശോധന നടത്തണം. ലക്ഷണം ഇല്ലാത്തവരില് നിന്നാണ് കോവിഡ് രോഗവ്യാപനം ഉണ്ടാകുന്നത്. അതുകൊണ്ടാണ് കോവിഡ് പ്രോട്ടോക്കോള് പാലിക്കണമെന്ന് പറയുന്നതെന്നും സംസ്ഥാനത്ത് കോവിഡ് ചികിത്സക്കുള്ള മരുന്നിന്റെ ക്ഷാമമുണ്ടെന്ന വാര്ത്തകള് മന്ത്രി നിഷേധിക്കുകയും ചെയ്തു.