പത്തനംതിട്ട : ബാറില് നിന്നിറങ്ങിയാളുടെ മൊബൈല് ഫോണും പണവും രണ്ടു യുവാക്കള് ചേര്ന്നു തട്ടിയെടുത്തു. സിസിടിവി ദൃശ്യങ്ങള് കേന്ദ്രീകരിച്ച് അന്വേഷണം തുടരുകയാണ്. ബാറില് നിന്നിറങ്ങിവന്ന ആളെ നടക്കാന് സഹായിക്കാനെന്ന വ്യാജേന കൂടിയവരാണ് മൊബൈല് ഫോണും പണവും പിടിച്ചുപറിച്ചത്. സംസാരിച്ച് നില്ക്കവേ ഷര്ട്ടിന്റെ പോക്കറ്റില് നിന്നു എന്തോ എടുത്തു കൊണ്ടു ഓടുന്നത് സിസിടിവി ദൃശ്യങ്ങളില് വ്യക്തമാണ്. കെ എസ് ആര് ടി സി ബസ്റ്റാന്ഡിന് സമീപമായിരുന്നു അതിക്രമം. ഗൃഹനാഥന്റെ പരാതിയില് പത്തംതിട്ട പോലീസ് കേസെടുത്തു. ഡ്രൈവിങ് ലൈസന്സ് ഉള്പ്പടെയുള്ള രേഖകളും മൂവായിരത്തോളം രൂപയും അടങ്ങിയ പോഴ്സും മൊബൈല് ഫോണും നഷ്ടപ്പെട്ടിട്ടുണ്ടെന്നാണ് മൊഴി. പ്രതികളെപ്പറ്റി സൂചന ലഭിച്ചിണ്ടെന്ന് പോലിസ് പറഞ്ഞു.
പത്തനംതിട്ട നഗരമധ്യത്തില് പിടിച്ചുപറി ; യുവാക്കൾക്കായി അന്വേഷണം
RECENT NEWS
Advertisment