ട്രാവല്‍ ഏജന്‍സിയുടെ മറവില്‍ സാമ്പത്തിക തട്ടിപ്പ് നടത്തി മുങ്ങിയ യുവതി പിടിയില്‍

ആലപ്പുഴ : ട്രാവല്‍ ഏജന്‍സിയുടെ മറവില്‍ സാമ്പത്തിക തട്ടിപ്പ് നടത്തി മുങ്ങിയ യുവതി പിടിയില്‍. രണ്ട് വര്‍ഷങ്ങള്‍ക്ക് ശേഷമാണ് മാവേലിക്കര സ്വദേശിനി ലീന ഭവാനി (43) യെ പോലീസ് പിടികൂടിയത്. ആലപ്പുഴയിലെ അരൂര്‍ കേന്ദ്രീകരിച്ച്‌ ‘അഡ്ലെന്‍’ എന്ന പേരില്‍ ഇവര്‍ നടത്തിയിരുന്ന ട്രാവല്‍ ഏജന്‍സി മറയാക്കിയായിരുന്നു തട്ടിപ്പ് നടത്തിയിരുന്നത് . ന്യൂസിലന്‍ഡില്‍ ജോലി ശരിയാക്കി കൊടുക്കാമെന്ന് ഉറപ്പ് നല്‍കി ഇവര്‍ ലക്ഷങ്ങളാണ് തട്ടിയത്. ഇവരുടെ തട്ടിപ്പിനിരയായ നാല് പേര്‍ നല്‍കിയ പരാതിയിന്മേലുള്ള അന്വേഷണമാണ് ഇവരുടെ അറസ്റ്റിലേക്ക് നീണ്ടത്. നാല് പേരില്‍ നിന്നും അഞ്ച് ലക്ഷം വീതമാണ് ഇവര്‍ തട്ടിയത്.