മീന്‍ പിടിക്കുന്നതിനിടെ വിദ്യാര്‍ത്ഥി പടുതക്കുളത്തില്‍ വീണ് മരിച്ചു

കട്ടപ്പന : മീന്‍ പിടിക്കുന്നതിനിടെ വിദ്യാര്‍ത്ഥി പടുതക്കുളത്തില്‍ വീണ് മരിച്ചു. വാഴയ്ക്കല്‍ സൂര്യയുടെ മകന്‍ പ്രശാന്ത് (10) ആണ് മരിച്ചത്. കട്ടപ്പനയ്ക്കു സമീപം മേട്ടുക്കുഴിയിലാണ് സംഭവം. മീന്‍ പിടിക്കുന്നതിനിടെ കുട്ടി കുളത്തിലേക്കു കാല്‍ തെന്നി വീഴുകയായിരുന്നു. കുട്ടിയുടെ പിതാവ് ജോലി ചെയ്യാന്‍ എത്തിയ സ്ഥലത്തെ പടുതാക്കുളത്തിലാണ് കുട്ടി വീണത്. മൃതദേഹം പോലീസ് നടപടികള്‍ക്ക് ശേഷം പോസ്റ്റ്മോര്‍ട്ടത്തിനായി ആശുപത്രി മോര്‍ച്ചറിയിലേക്ക് മാറ്റി.