അപകടത്തിൽ പരിക്കേറ്റ എട്ടു വയസ്സുകാരൻ മരിച്ചു

പാലക്കാട് : നാട്ടുകല്‍ പഴയ പോസ്റ്റ് ഓഫീസിന് സമീപമുണ്ടായ കാറപകടത്തില്‍ പരിക്കേറ്റ് ചികിത്സയിലായിരുന്ന എട്ടു വയസ്സുകാരന്‍ മരണപ്പെട്ടു. കോയമ്പത്തൂര്‍ 20/6 രാജ്നായിക്കം സ്ട്രീറ്റില്‍ സന്ദീപ് – നിത്യശ്രീ ദമ്പതികളുടെ മകന്‍ നവനീത് (8) ആണ് മരിച്ചത്. സന്ദീപ്, നിത്യശ്രീ, മകള്‍ ശ്രീലക്ഷ്മി (രണ്ടര വയസ്സ്) എന്നിവര്‍ പെരിന്തല്‍മണ്ണ മൗലാന ആശുപത്രിയില്‍ ചികിത്സയില്‍ തുടരുകയാണ്.
കോഴിക്കോട് ഭാഗത്തേക്ക് പോവുകയായിരുന്ന കാര്‍ നിയന്ത്രണം വിട്ട് മരത്തിലിടിച്ച്‌ മറിയുകയായിരുന്നു. ഞായറാഴ്ച രാവിലെ എട്ടരയോടെയായിരുന്നു അപകടം.