പ്രളയ മുന്നൊരുക്കങ്ങൾ വിലയിരുത്തുന്നതിനായി എംഎൽഎയുടെ നേതൃത്വത്തിൽ യോഗം

റാന്നി : പ്രളയ മുന്നൊരുക്കങ്ങൾ വിലയിരുത്തുന്നതിനായി അഡ്വ പ്രമോദ് നാരായൺ എംഎൽഎ ജനപ്രതിനിധികളുടെയും വിവിധ വകുപ്പ് ഉദ്യോഗസ്ഥരുടെയും യോഗം വിളിച്ചു ചേർക്കുന്നു. 23ന് വൈകീട്ട് 4 ന് റാന്നി താലൂക്ക് ഓഫീസിൽ വെച്ചാണ് യോഗം. ഇടവപ്പാതി ആരംഭിക്കുന്നതോടെ ഓരോ വകുപ്പും സ്വീകരിക്കേണ്ട മുൻകരുതലുകൾ, രോഗ പ്രതിരോധ മാർഗ്ഗങ്ങൾ, പ്രളയമുണ്ടാകാതിരിക്കാനുളള മുന്നൊരുക്കങ്ങൾ, രക്ഷാപ്രവർത്തനങ്ങൾ എന്നിവയെല്ലാം യോഗത്തിൽ ചർച്ച ചെയ്യും. റാന്നി നിയോജക മണ്ഡലത്തിന്റെ പരിധിയിൽ വരുന്ന തഹസിൽദാർമാർ, ത്രിതല പഞ്ചായത്ത് പ്രസിഡൻറുമാർ, സെക്രട്ടറിമാർ, വില്ലേജ് ഓഫീസർമാർ, മെഡിക്കൽ ഓഫീസർമാർ, ജലവിഭവവകുപ്പ് ഉദ്യോഗസ്ഥർ, പൊതുമരാമത്ത് വകുപ്പ് ഉദ്യോഗസ്ഥർ, പോലീസ്, ഫയർ ഫോഴ്സ് ഉദ്യോഗസ്ഥർ എന്നിവരെയെല്ലാം പങ്കെടുപ്പിച്ചു കൊണ്ടാണ് യോഗം.