കാറും ലോറിയും കൂട്ടിയിട്ടിച്ച്‌ രണ്ട് മരണം

വടകര : കാറും ലോറിയും കൂട്ടിയിട്ടിച്ച്‌ രണ്ട് മരണം. കാര്‍ ഡ്രൈവറും യാത്രക്കാരിയുമാണ് മരിച്ചത്. ഇവരെ തിരിച്ചറിഞ്ഞിട്ടില്ല. ഉച്ചയ്ക്ക് ഒന്നരയോടെ കെ.ടി ബസാറിലാണ് അപകടമുണ്ടായത്. കാറിലുണ്ടായിരുന്നവര്‍ കോഴിക്കോട് സ്വദേശികളാണ്. ക്ഷേത്ര ദര്‍ശനം കഴിഞ്ഞ് മടങ്ങുമ്പോൾ കണ്ണൂര്‍ ഭാഗത്തേക്ക് പോവുകയായിരുന്ന ലോറിയുമായിടിച്ചാണ് അപകടം നടന്നത്. കാറിലുണ്ടായിരുന്ന രണ്ട് കുട്ടികള്‍ക്കും പരിക്കുണ്ട്.  തകര്‍ന്ന കാറില്‍ നിന്ന് നാട്ടുകാര്‍ എത്തിയാണ് പരിക്കേറ്റവരെ ആശുപത്രിയിലെത്തിച്ചത്.