കോന്നി : പോത്തുപാറ സണ്ണിമുക്കിൽ വളർത്തുനായയെ പുലി ആക്രമിച്ച് കൊന്നു. പോത്തുപാറ കിഷോർ ഭവനത്തിൽ കിഷോറിന്റെ വീട്ടിലെ വളർത്ത് നായയെ ആണ് പുലി ആക്രമിച്ചത്. വീട്ടുമുറ്റത്ത് കെട്ടി ഇട്ടിരുന്ന നായയെ പുലി ആക്രമിച്ച് തലക്ക് പരിക്ക് ഏല്പിക്കുകയായിരുന്നു. നായയെ തൊടലിൽ കെട്ടി ഇട്ടിരുന്നതിനാൽ കൊന്നതിനു ശേഷം പുലി ഓടി പോവുകയും ചെയ്തു.
വീട്ടുകാർ വനപാലകരെ വിവരം ധരിപ്പിച്ചതിനെ തുടർന്ന് പാടം ഫോറെസ്റ്റ് ഡെപ്യൂട്ടി റേഞ്ച് ഓഫീസർ അനിൽ ബേബിയുടെ നേതൃത്വത്തിൽ ബീറ്റ് ഫോറെസ്റ്റ് ഓഫീസർ ആതിര, ഡ്രൈവർ ശ്രീ രാജ് ബാബു എന്നിവർ സ്ഥലത്ത് എത്തി പുലിയാണെന്ന് സ്ഥിരീകരിച്ചു. പ്രദേശത്ത് ക്യാമറകൾ സ്ഥാപിക്കും എന്നും രാത്രികാല പെട്രോളിംഗ് ശക്തമാക്കുമെന്നും വനപാലകർ അറിയിച്ചു.