കോന്നി : കേരളത്തെ കലാപ ഭൂമിയാക്കാനുള്ള ബി ജെ പി, കോൺഗ്രസ് കൂട്ട് കെട്ടിനെതിരെയും മുഖ്യ മന്ത്രി പിണറായി വിജയന് നേരെയുള്ള കയ്യേറ്റ ശ്രമത്തിന് എതിരെയും എ ഐ വൈ എഫ് കോന്നി മണ്ഡലം കമ്മിറ്റിയുടെ നേതൃത്വത്തിൽ കോന്നിയിൽ സംഘടിപ്പിച്ച പ്രതിഷേധ സമരം എ ഐ വൈ എഫ് ജില്ലാ സെക്രട്ടറി എസ് അഖിൽ ഉദ്ഘാടനം ചെയ്തു. മണ്ഡലം സെക്രട്ടറി ഹനീഷ് കൊല്ലൻപടി അധ്യക്ഷത വഹിച്ചു.
മണ്ഡലം പ്രസിഡന്റ് അജിത് എസ്, ജില്ലാ വൈസ് പ്രസിഡന്റ് വിനീത് കോന്നി, വനിതാ സബ് കമ്മിറ്റി ജില്ലാ ജോയിന്റ് സെക്രട്ടറി റീന, വനിതാ സബ്കമ്മിറ്റി മണ്ഡലം കൺവീനർ വിനു, മണ്ഡലം ജോയിന്റ് സെക്രട്ടറി ലിസ, എ ഐ വൈ എഫ് ജില്ലാ കമ്മിറ്റി അംഗങ്ങൾ ആയ ഷിജോ വകയാർ, പ്രദീപ്, ബിനോയ് ജോൺ തുടങ്ങിയവർ സംസാരിച്ചു. എ ഐ വൈ എഫ് മണ്ഡലം കമ്മിറ്റി അംഗങ്ങൾ മേഖല ഭാരവാഹികൾ തുടങ്ങിയവർ പങ്കെടുത്തു. ചൈനമുക്കിൽ നിന്നും ആരംഭിച്ച പ്രകടനം കോന്നി ട്രാഫിക് ജംഗ്ഷനിൽ അവസാനിച്ചു.