കോന്നി : സോണിയ ഗാന്ധിക്ക് എതിരെയും രാഹുൽ ഗാന്ധിക്ക് എതിരെയും കേന്ദ്ര ഗവൺമെന്റ് നടത്തുന്ന വേട്ടയാടലിൽ പ്രതിഷേധിച്ചും എ ഐ സി സി ഓഫീസിന് നേരെ ഡൽഹി പോലീസ് നടത്തിയ അതിക്രമത്തിൽ പ്രതിഷേധിച്ചും കോൺഗ്രസ് കോന്നി മണ്ഡലം കമ്മിറ്റിയുടെ നേതൃത്വത്തിൽ കോന്നി മിനി സിവിൽ സ്റ്റേഷനിലേക്ക് മാർച്ചും ധർണ്ണയും നടത്തി. കെ പി സി സി അംഗം മാത്യു കുളത്തിങ്കൽ ഉദ്ഘാടനം ചെയ്തു.
കോൺഗ്രസ് കോന്നി മണ്ഡലം പ്രസിഡന്റ് റോജി എബ്രഹാം അധ്യക്ഷത വഹിച്ചു. ജില്ലാ പഞ്ചായത്ത് അംഗം റോബിൻ പീറ്റർ, കോന്നി ഗ്രാമ പഞ്ചായത്ത് പ്രസിഡന്റ് സുലേഖ വി നായർ, എസ് സന്തോഷ് കുമാർ, പ്രവീൺ പ്ലാവിളയിൽ, രാജീവ് മള്ളൂർ, വി റ്റി അജോമോൻ, ശ്യാം എസ് കോന്നി, ഷിജു അറപ്പുരക്കൽ തുടങ്ങിയവർ സംസാരിച്ചു. കോൺഗ്രസ് ഓഫീസിൽ നിന്നും ആരംഭിച്ച മാർച്ച് മിനി സിവിൽ സ്റ്റേഷനൂ മുൻപിൽ പോലീസ് ബാരിക്കെഡ് കെട്ടി തടഞ്ഞു.