കോന്നി : പ്ലസ് ടൂ പരീക്ഷ ഫലം പുറത്ത് വന്നപ്പോൾ കോന്നിയിലെ പൊതു വിദ്യാലയങ്ങൾ നിലവാരം മെച്ചപ്പെടുത്തി. കോന്നി ഗവണ്മെന്റ് ഹയർ സെക്കന്ററി സ്കൂളിൽ 87% വിജയം നില നിർത്തി. ഇരുപത് പേർ എല്ലാ വിഷയങ്ങളിലും എ പ്ലസ് കരസ്തമാക്കി. തേക്കുതോട് ഹയർ സെക്കന്ററി സ്കൂളിൽ സയൻസിൽ 55 വിദ്യാർഥികളിൽ 43 പേരും കോമേഴ്സിൽ 38 വിദ്യാർഥികളിൽ 20 പേരും വിജയിച്ചു. അഞ്ച് വിദ്യാർഥികൾ മുഴുവൻ വിഷയങ്ങളിലും എ പ്ലസ് നേടി. കൂടൽ ജി എച്ച് എസ് എസിൽ കോമേഴ്സിൽ 54 വിദ്യാർഥികൾ പരീക്ഷ എഴുതിയതിൽ 39 പേർ വിജയിച്ചു.
കലഞ്ഞൂർ ഗവണ്മെന്റ് ഹയർ സെക്കന്ററി സ്കൂൾ 80% വിജയം നേടി. സയൻസിൽ 110 പേർ പരീക്ഷ എഴുതിയതിൽ 99 കുട്ടികൾ വിജയിച്ചു. കോമേഴ്സിൽ 106 പേർ പരീക്ഷ എഴുതിയതിൽ 76 കുട്ടികൾ വിജയിച്ചു. ഹ്യുമാനിറ്റീസിൽ 56 പേർ എഴുതിയതിൽ 40 പേർ വിജയിച്ചു. ഒൻപത് വിദ്യാർഥികൾ മുഴുവൻ വിഷയങ്ങളിലും എ പ്ലസ് നേടി. കൂടൽ ഗവണ്മെന്റ് എച്ച് എസ് എസ് ൽ 54 വിദ്യാർഥികൾ പരീക്ഷ എഴുതിയതിൽ 39 പേർ വിജയിച്ചു. കോന്നി ആർ വി എച്ച് എസ് എസ് സ്കൂൾ 92% വിജയം നേടി.
