ഐക്യരാഷ്ട്രസഭ മരുന്നും ഭക്ഷണവും ഭൂകമ്പബാധിതപ്രദേശത്ത് എത്തിച്ച്‌ തുടങ്ങി

കാബൂള്‍ : ഭൂകമ്പത്തില്‍ തക‍ര്‍ന്ന അഫ്ഗാനിസ്ഥാന് സഹായവുമായി ഐക്യരാഷ്ട്രസഭ. മരുന്നും ഭക്ഷണവും ഭൂകമ്പബാധിതപ്രദേശത്ത് എത്തിച്ച്‌ തുടങ്ങിയതായി ഐക്യരാഷ്ട്രസഭ വക്താവ് അറിയിച്ചു. അന്താരാഷ്ട്ര സമൂഹത്തിന്റെ സഹായം താലിബാന്‍ ഭരണകൂടം തേടിയതിന് പിന്നാലെയാണ് നടപടി. ഇന്നലെ പുലര്‍ച്ചെയാണ് റിക്ടര്‍ സ്കെയില്‍ 6.1 രേഖപ്പെടുത്തിയ ഭൂചലനമുണ്ടായത്. മരണസംഖ്യ ആയിരം കടന്നു. മരണസംഖ്യ ഇനിയും ഉയരാനുള്ള സാധ്യതയുണ്ടെന്ന് അധികൃതകര്‍ വ്യക്തമാക്കി. പല ജില്ലകളും പൂര്‍ണ്ണമായും തകര്‍ന്ന നിലയിലാണ്.