കാറിലെത്തി വഴിചോദിച്ച ശേഷം റിട്ട.അദ്ധ്യാപികയുടെ സ്വര്‍ണ്ണമാല പിടിച്ചു പറിച്ച്‌ കടന്ന യുവസൈനികനെ പിടികൂടി

കണ്ണൂര്‍ : കാറിലെത്തി വഴിചോദിച്ച ശേഷം റിട്ട. അദ്ധ്യാപികയുടെ സ്വര്‍ണ്ണമാല പിടിച്ചു പറിച്ച്‌ കടന്ന യുവസൈനികനെ പിടികൂടി. ഉളിക്കല്‍ കോയാപറമ്പിലെ സെബാസ്ററ്യന്‍ ഷാജി (27) ആണ് അറസ്റ്റിലായത്. ചൊവ്വാഴ്ച ഉച്ചയോടെ വള്ളിത്തോട്ടിലെ ആളൊഴിഞ്ഞ വഴിയായ കല്ലന്തോട് 32-ാം മൈലില്‍ റോഡിലെ റിട്ട.അദ്ധ്യാപിക ഫിലോമിനാ സെബാസ്റ്റ്യന്റെ വീട്ടിന് മുന്നില്‍ വച്ചായിരുന്നു സംഭവം. റോഡിലുണ്ടായിരുന്ന ഫിലോമിനയോട് കാറില്‍ എത്തിയ സെബാസ്ററ്യന്‍ ഷാജി ഒരു മേല്‍വിലാസം ചോദിക്കുകയായിരുന്നു. ഇരുവരും സംസാരിച്ചതിനുശേഷം ഷാജി തിരിച്ചു പോകുന്നതിനിടയില്‍ പെട്ടെന്ന് ഫിലോമിനയുടെ കഴുത്തിലെ മാല പിടിച്ചു പറിക്കുകയായിരുന്നു.