തിരുവനന്തപുരം : കെ പി സി സി സെക്രട്ടറി ബി.ആര്.എം ഷെഫീറിനെതിരെ പോലീസ് കേസ്. ഷെഫീറിന്റെ അഭിഭാഷക ഓഫീസിലെ ക്ലര്ക്കായിരുന്ന സ്ത്രീ നല്കിയ പരാതിയിലാണ് കേസ്. ചീത്ത വിളിക്കുകയും മര്ദിക്കുകയും ചെയ്തുവെന്നാണ് പരാതി. ഷെഫീര് നല്കിയ പരാതിയില് വനിത ക്ലര്ക്കിനെതിരെയും നെടുമങ്ങാട് പോലീസ് കേസെടുത്തു. ഷെഫീര് പരാതി നല്കിയ ശേഷമാണ് ക്ലര്ക്ക് പോലിസിനെ സമീപിക്കുന്നത്. താന് അറിയാതെ ക്ലാര്ക്ക് വക്കീല് ഫീസ് വാങ്ങിയെന്നും രേഖകള് കടത്തിയെന്നുമാണ് പരാതി. നിയമസഭ തെരഞ്ഞെടുപ്പില് വര്ക്കലയിലെ യുഡിഎഫ് സ്ഥാനാര്ഥിയായിരുന്നു ഷെഫീര്.
