തിരുവനന്തപുരം : വിഴിഞ്ഞം തുറമുഖ നിര്‍മ്മാണം നിര്‍ത്തിവയ്ക്കണമെന്ന് ലത്തീന്‍ അതിരൂപത. പള്ളികളില്‍ വായിച്ച ഇടയ ലേഖനത്തിലാണ് ലത്തീന്‍ അതിരൂപത ആവശ്യം ഉന്നയിച്ചത്. തുറമുഖ നിർമ്മാണം നിർത്തിവെച്ച് പ്രദേശവാസികളെ ഉൾപ്പെടുത്തി ശാസ്ത്രീയമായ പഠനം നടത്തണമെന്ന് സഭ ലേഖനത്തിലൂടെ ആവശ്യപ്പെട്ടു.
രൂപതകള്‍ കേന്ദ്രീകരിച്ച്‌ പ്രതിഷേധം ശക്തിപ്പെടുത്താനും ആഹ്വാനം ചെയ്തു. മത്സ്യത്തൊഴിലാളികള്‍ നേരിടുന്ന പ്രതിസന്ധി ചൂണ്ടിക്കാട്ടി, സഭാവിശ്വാസികള്‍ രംഗത്തിറങ്ങാനും ഇടയലേഖനത്തിലൂടെ ലത്തീന്‍ സഭ ആഹ്വാനം ചെയ്യുന്നു. ജനങ്ങളുടെ നെഞ്ചില്‍ ചവിട്ടി ആകരുത് വികസനമെന്നും തീരദേശവാസികള്‍ അറബിക്കടലില്‍ മുങ്ങിത്താഴുകയാണെന്നും ലത്തീന്‍ അതിരൂപതയുടെ ഇടയ ലേഖനം.
