മക്കപ്പുഴയിൽ ട്രാൻസ്ഫോർമറിനു തീപിടിച്ചു

റാന്നി: മക്കപ്പുഴയിൽ ട്രാൻസ്ഫോർമറിനു തീപിടിച്ചു. ചൊവ്വാഴ്ച രാവിലെ എഴേകാലോടെ പുനലൂർ – മൂവാറ്റുപുഴ റോഡരികിൽ സ്ഥാപിച്ചിരിക്കുന്ന ട്രാൻസ്ഫോർമറിനാണ് തീപിടിച്ചത്. നാട്ടുകാർ വിവരം അറിയിച്ചതിനെ തുടർന്ന് റാന്നിയിൽ നിന്ന് ഫയർഫോഴ്സ് യൂണിറ്റ് എത്തി തീ അണച്ചതിനാൽ വൻ അപകടം ഒഴിവായി. റാന്നി നോർത്ത് സെക്‌ഷൻ പരിധിയിലുളള ട്രാൻസ്ഫോർമറായിരുന്നു. കെ.എസ്.ഇ.ബി ജീവനക്കാരും സ്ഥലത്ത് എത്തിയിരുന്നു. ഇതിനെ തുടർന്ന് ഈ മേഖലയിൽ വൈദ്യുത മുടക്കവും ഉണ്ടായി.