എന്‍ഫോഴ്‌സ്‌മെന്‍റ് ഡയറക്ടറേറ്റ് കൊച്ചിയിലെ ഡപ്യുട്ടി ഡയറക്ടറെ സ്ഥലംമാറ്റി

കൊച്ചി: എന്‍ഫോഴ്‌സ്‌മെന്‍റ്  ഡയറക്ടറേറ്റ്  കൊച്ചിയിലെ ഡപ്യുട്ടി ഡയറക്ടറെ സ്ഥലംമാറ്റി. സ്വര്‍ണക്കടത്ത് അന്വേഷിച്ച ഉദ്യോഗസ്ഥനായ പി.രാധാൃഷ്ണനെയാണ് സ്ഥലംമാറ്റിയത്. ചെന്നൈയിലേക്കാണ് സ്ഥലംമാറ്റം. രാധാകൃഷ്ണന് പകരം ആളെ കൊച്ചിയില്‍ നിയമിച്ചിട്ടില്ല. നിലവിലെ അന്വേഷണ സംഘം തന്നെ കേസ് അന്വേഷിക്കുമെന്നാണ് ഇ.ഡി വ്യക്തമാക്കുന്നത്. കേസിലെ കോടതി നടപടികള്‍ ബംഗളൂരുവിലേക്ക് മാറ്റണമെന്ന് ഇ.ഡി സുപ്രീം കോടതിയില്‍ ആവശ്യപ്പെട്ടിരുന്നു. സ്വപ്ന സുരേഷി​ന്‍റെ  മൊഴിയുടെ അടിസ്ഥാനത്തില്‍ അന്വേഷണവും ചോദ്യം ചെയ്യലും ഉന്നതരിലേക്ക് എത്തുന്നതിനു മുന്നോടിയായാണ് മലയാളിയായ ഓഫീസറെ മാറ്റുന്നതെന്നാണ് സൂചന.