ലോസ് ഏഞ്ചലസ് : ഹോളിവുഡ് താരം ആന് ഹേഷ് (53) അന്തരിച്ചു. കാര് അപകടത്തില് തലച്ചോറിന് സാരമായി ക്ഷതമേല്ക്കുകയും ഗുരുതമായി പൊള്ളലേല്ക്കുകയും ചെയ്ത താരം കഴിഞ്ഞ ഒരാഴ്ച്ചയായി ചികിത്സയില് കഴിയുകയായിരുന്നു. ഹേഷിന്റെ അവയവങ്ങള് ദാനം ചെയ്യുന്നതായി കുടുംബം അറിയിച്ചു.
ആഗസ്റ്റ് അഞ്ചിന് ലോസ് ഏഞ്ചലസിലെ മാര് വിസ്റ്റയിലുള്ള വാള്ഗ്രോവ് അവന്യൂവില് വെച്ചായിരുന്നു അപകടം സംഭവിച്ചത്. ഹേഷിന്റെ കാര് ഒരു കെട്ടിട സമുച്ചയത്തില് ഇടിയ്ക്കുകയും തീപിടിയ്ക്കുകയും ചെയ്തിരുന്നു. 65 മിനിറ്റ് നീണ്ട രക്ഷാപ്രവര്ത്തനത്തിനൊടുവിലാണ് അഗ്നിശമന സേനാംഗങ്ങള് തീ അണച്ച് ഹേഷിനെ രക്ഷപെടുത്തി ആശുപത്രിയില് എത്തിച്ചത്. താരം വാഹനം ഓടിച്ചിരുന്നത് അമിതവേഗത്തിലായിരുന്നു എന്ന് റിപ്പോര്ട്ട് ചെയ്തിരുന്നു.