പാലക്കാട് വിദ്യാര്‍ഥികള്‍ക്ക് മര്‍ദനം

പാലക്കാട് : പുതുശ്ശേരിയിൽ ബസ് തടഞ്ഞ് വിദ്യാർത്ഥികളെ മർദിച്ചു. കോയമ്പത്തൂരിലെ സ്വകാര്യ കോളേജിലെ വിദ്യാര്‍ഥികള്‍ തമ്മില്‍ ഉണ്ടായ തര്‍ക്കമാണ് പ്രശ്നങ്ങളുടെ തുടക്കം. ഒരു വിഭാഗം വിദ്യാർഥികൾ സംഭവം അവരുടെ നാട്ടിലറിയിച്ചു. ഇവർ പിന്നീട് മറുവിഭാഗത്തിലെ വിദ്യാർഥികൾ വരുന്ന സ്വകാര്യ ബസ് പുതുശേരിയിൽ വച്ച് തടയുകയും വിദ്യാർഥികളെ ഒരു സംഘം ആളുകൾ ബസിൽ കയറി മർദിക്കുകയുമായിരുന്നു. വിദ്യാർഥികൾക്ക് പരിക്കേറ്റിട്ടുണ്ടെങ്കിലും ആരുടെയും പരിക്ക് ഗുരുതരമല്ല. സംഭവത്തിൽ ഇതുവരെ പോലീസിൽ പരാതി ലഭിച്ചിട്ടില്ല.