ബംഗളൂരു: കര്ണാടകയില് അമുല് വിവാദം തിളക്കുകയാണ്. ഹോട്ടലുകളില് അമുല് ഉല്പ്പന്നങ്ങള് പൂര്ണമായും ബഹിഷ്ക്കരിക്കാന് ബംഗളൂരുവിലെ ഹോട്ടല് ഉടമകളുടെ സംഘടനയായ ബ്രഹത് ബംഗളൂരു ഹോട്ടല് അസോസിയേഷന് ആഹ്വാനം ചെയ്തു. ഹോട്ടലുകളില് കര്ണാടക മില്ക്ക് ഫെഡറേഷന്റെ നന്ദിനി പാലുത്പന്നങ്ങള് മാത്രം ഉപയോഗിച്ചാല് മതിയെന്ന് അസോസിയേഷന് തീരുമാനിച്ചതായും പ്രസിഡന്റ് പി.സി റാവു അറിയിച്ചു. ഇതിലൂടെ കര്ണാടക കര്ഷകരെ സഹായിക്കണമെന്നും അദ്ദേഹം പറഞ്ഞു.
അമുല് ഉല്പ്പന്നങ്ങള് കര്ണാടകത്തിലേക്ക് വിപണനത്തിന് എത്തിക്കുന്നത് സംസ്ഥാനത്ത് ഭരണ കക്ഷിയായി ബി.ജെ.പിയും പ്രതിപക്ഷ കക്ഷികളും തമ്മിലുള്ള രാഷ്ട്രീയ വിവാദത്തിനിടയാക്കിയിരുന്നു. ബി.ജെ.പി ഭരിക്കുന്ന ഗുജറാത്തിലെ സഹകരണ സ്ഥാപനത്തെ കര്ണാടകത്തിലേക്ക് വ്യാപിപ്പിക്കാനുള്ള നീക്കമാണിതെന്ന് കോണ്ഗ്രസും ജെ.ഡി.എസും ആരോപിക്കുന്നു.