പട്‌ന: നിതീഷ് കുമാറിനെതിരെ അഴിമതി ആരോപണവുമായി ബിജെപി. മദ്യ നിരോധനം ഏര്‍പ്പെടുത്തിയതിന് ശേഷം സംസ്ഥാനത്ത് പ്രവര്‍ത്തിക്കുന്ന മദ്യമാഫിയയില്‍ നിന്ന് മുഖ്യമന്ത്രി നിതീഷ് കുമാറും അദ്ദേഹത്തിന്റെ പാര്‍ട്ടി ജെഡിയുവും 10,000 കോടി രൂപയുടെ ഫണ്ട് കൈപ്പറ്റിയതായി ബിഹാര്‍ ബിജെപി അധ്യക്ഷന്‍ സാമ്രാട്ട് ചൗധരി ആരോപിച്ചു. ‘മദ്യമാഫിയ നിതീഷ് കുമാറിനും ജെഡിയുവിനും 10,000 കോടി രൂപ നല്‍കി. സംസ്ഥാനത്ത് ഇത് 10,000 കോടി രൂപയുടെ അഴിമതിയാണ് നടന്നത്. സര്‍ക്കാര്‍, മദ്യമാഫിയയുടെ കൂട്ടുകെട്ടില്‍ മദ്യവില്‍പ്പനയില്‍ ഏര്‍പ്പെട്ടിരുന്നു’- സാമ്രാട്ട് ചൗധരി പറഞ്ഞു.
ഇന്ന് മദ്യം എല്ലാ വീട്ടിലും എത്തിയിരിക്കുന്നു, നിതീഷ് കുമാറിന് ഹോം ഡെലിവറി വഴി പണം ലഭിക്കുന്നു. നിതീഷ് കുമാറിന്റെ പാര്‍ട്ടി 10,000 കോടി രൂപയുടെ അനധികൃത മദ്യത്തിന്റെ അഴിമതിയാണ് നടത്തുന്നത്. ഭരണസംവിധാനം മദ്യമാഫിയയുമായി സഹകരിച്ച് പണമെല്ലാം ജെഡിയു അക്കൗണ്ടിലേക്ക് അയക്കുന്നുവെന്നും ചൗധരി ആരോപിച്ചു.
