ആലപ്പുഴ: സ്കൂട്ടറില് കാര്‍ തട്ടി മാതാപിതാക്കള്‍ക്കൊപ്പം സഞ്ചരിച്ച രണ്ടു വയസുകാരന്‍ മരിച്ചു. പൂന്തോപ്പ് വൈക്കത്തുപറമ്ബ് വീട്ടില്‍ ജോര്‍ജ് ദേവസ്യ-അനീഷ ദമ്ബതികളുടെ ഏക മകന്‍ ആദം ജോര്‍ജ് (2) ആണ് മരിച്ചത്. വ്യാഴാഴ്ച ഉച്ചയോടെ ബൈപാസില്‍ കുതിരപ്പന്തി റോഡില്‍ വച്ചാണ് അപകടം. പനി ബാധിച്ച മകനെ മെഡിക്കല്‍ കോളജില്‍ ഡോക്ടറെ കാണിച്ച് മടങ്ങുകയായിരുന്നു കുടുംബം. സ്‌കൂട്ടറിന്റെ ഇടതുവശത്തിലൂടെ അമിത വേഗതയില്‍ വന്ന കാറിന്റെ കണ്ണാടി തട്ടി സ്‌കൂട്ടര്‍ മറിയുകയായിരുന്നു.
അമ്മയുടെ മടയില്‍ ഇരുന്ന ആദം തെറിച്ച് തലയിടിച്ച് റോഡില്‍ വീഴുകയായിരുന്നു. പെട്ടെന്ന തന്നെ കുഞ്ഞിനെ എടുത്ത് അനീഷ എതിരെ വന്ന കാറിന് കൈ കാണിച്ച് മെഡിക്കല്‍ കോളജ് ആശുപത്രിയില്‍ എത്തിച്ചു. അടിയന്തര ശസ്ത്രക്രിയകള്‍ക്കുശേഷം വെന്റിലേറ്ററില്‍ ആയിരുന്ന ആദം. തുടര്‍ന്ന് ഇന്നലെ വൈകിട്ടോടെ മരണം സംഭവിക്കുകയായിരുന്നു. ഇടത് കൈ ഒടിഞ്ഞ ജോര്‍ജും പരുക്കുകളോടെ അനീഷയും മെഡിക്കല്‍ കോളജ് ആശുപത്രിയില്‍ ചികിത്സയിലാണ്.
