തിരുവനന്തപുരം: മഹാരാജാസ് കോളജ് വിദ്യാര്ത്ഥിയും എസ്.എഫ്.ഐ സംസ്ഥാന സെക്രട്ടറിയുമായ പി.എം ആര്ഷോ എഴുതാത്ത മൂന്നാം സെമസ്റ്റര് പരീക്ഷ വിജയിച്ചു എന്ന പ്രചരണം വസ്തുതാ വിരുദ്ധമാണെന്ന് എസ്എഫ്ഐ. പരീക്ഷാ റിസള്ട്ട് ഓണ്ലൈനായി പ്രസിദ്ധീകരിച്ചതില് വന്ന സാങ്കേതികപ്പിഴവ് ചൂണ്ടിക്കാട്ടിയാണ് പ്രചരണം. സാങ്കേതികപ്പിഴവ് മൂലം ‘പാസ്ഡ്’ എന്ന് രേഖപ്പെടുത്തിയതാണ് വിവാദമെന്നും എസ്എഫ്ഐ പ്രസ്താവനയില് പറഞ്ഞു.
അതേസമയം എഴുതാത്ത പരീക്ഷ പാസായെന്ന മാര്ക്ക് ലിസ്റ്റ് വിവാദത്തിനൊടുവില് തിരുത്തി. എംഎ ആര്ക്കിയോളജി മൂന്നാം സെമസ്റ്റര് പരീക്ഷയുടെ മാര്ക്ക് ലിസ്റ്റിലാണ് വിഷയങ്ങളും മാര്ക്കും ഇല്ലെങ്കിലും പാസായതായി രേഖപ്പെടുത്തിയത്. മഹാരാജസ് കോളേജിലെ ആര്ക്കിയോളജി ആന്റ് മെറ്റീരിയില് കള്ച്ചറല് സ്റ്റഡീസ് മൂന്നാം സെമസ്റ്റര് പരീക്ഷ മാര്ക്ക് ലിസ്റ്റിലാണ് ഗുരുതര പിഴവ് വന്നത്.