റാന്നി : റാന്നി മന്ദിരം പടിയില് ശബരിമല തീര്ഥാടകര് സഞ്ചരിച്ച കാറും ബസും തമ്മില് കൂട്ടിയിടിച്ച് ഇതര സംസ്ഥാനക്കാരനായ അയ്യപ്പ ഭക്തന് മരിച്ചു. കാറില് ഉണ്ടായിരുന്ന നാല് പേര്ക്ക് പരിക്കേറ്റു. കര്ണ്ണാടക സ്വദേശിയായ വിനോദ് ആണ് മരിച്ചത്. അപകടത്തില് കാര് ഭാഗികമായി തകര്ന്നിട്ടുണ്ട്. തമിഴ്നാട് സ്വദേശികളുടെ ബസ് കാറില് ഇടിക്കുകയായിരുന്നു. വലത് വശത്തേക്ക് തിരിഞ്ഞ കാറിലേക്ക് ബസ് ഇടിക്കുന്ന സി.സി.ടി.വി ദൃശ്യങ്ങളും ലഭിച്ചിട്ടുണ്ട്. പരിക്കേറ്റവരെ റാന്നി താലൂക്ക് ആശുപത്രിയില് പ്രവേശിപ്പിച്ചു.
ശബരിമല മണ്ഡലകാലം ആരംഭിച്ചതോടെ സംസ്ഥാന പാതയിലെ റാന്നിയില് വാഹനാപകടങ്ങളുടെ എണ്ണം വര്ദ്ധിച്ചിട്ടുണ്ട്. അമിത വേഗതയും ഉറക്കമൊഴിച്ചുള്ള ഡ്രൈവിങ്ങുമെല്ലാം അപകടങ്ങള്ക്ക് കാരണമായി മാറുന്നുണ്ട്. സംസ്ഥാന പാതയുടെ നിര്മ്മാണം പൂര്ത്തിയായിട്ടും പലയിടങ്ങളിലും ക്യാമറകള് സ്ഥാപിച്ചിട്ടില്ല. ശബരിമല മണ്ഡലകാലം ആരംഭിച്ചു കഴിഞ്ഞതോടെ തമിഴ്നാട്, കര്ണ്ണാടക, ആന്ധ്ര പ്രദേശ് തുടങ്ങി വിവിധ സംസ്ഥാനങ്ങളില് നിന്നെത്തുന്ന അയ്യപ്പ ഭക്തരുടെ വാഹനങ്ങളാണ് അപകടത്തില്പ്പെടുന്നവയില് ഏറെയും.
