വെച്ചൂച്ചിറ : അമിതവേഗതയില് ഇറക്കം ഇറങ്ങിയെത്തിയ കാര് നിയന്ത്രണം നഷ്ടപ്പെട്ട് വീടിന് മുകളിലേക്ക് മറിഞ്ഞു.അപകടത്തില് രണ്ടു പേര്ക്ക് പരിക്കേറ്റു. കാർ ഓടിച്ചിരുന്ന കുര്യൻ (ബോബി – 45), സുഹൃത്ത് പ്രമീള (36) എന്നിവർക്ക് പരിക്കേറ്റു. പരിക്കേറ്റവരെ ഉടൻതന്നെ വെച്ചൂച്ചിറയിലെ സ്വകാര്യ ആശുപത്രിയിൽ എത്തിച്ചെങ്കിലും പിന്നീട് വിദഗ്ധ ചികിത്സയ്ക്കായി കോട്ടയം മെഡിക്കൽ കോളേജ് ആശുപത്രിയിലേക്ക് മാറ്റി. ഇന്ന് വൈകിട്ട് നാലരയോടെ വെച്ചൂച്ചിറ പോലീസ് സ്റ്റേഷന് സമീപമായിരുന്നു അപകടം.
ചേത്തയ്ക്കല്-കൂത്താട്ടുകുളം എം.എല്.എ റോഡില് വാകമുക്ക് ഭാഗത്തുനിന്നും കൂത്താട്ടുകുളത്തേക്ക് വരികയായിരുന്നു കാർ. റോഡില് നിന്നും 15 അടിയോളം താഴ്ചയിലുള്ള കൂത്താട്ടുകുളം കൈതപ്പറമ്പിൽ റോബി എന്നയാളുടെ വീടിന്
വീടിന് മുകളിലേക്കാണ് കാര് പതിച്ചത്. അപകടത്തിൽ വീടിന്റെ ഷെയ്ഡുകൾ ഉൾപ്പെടെ തകർന്നിട്ടുണ്ട്.
