റാന്നി: പുനലൂര്-മൂവാറ്റുപുഴ സംസ്ഥാന പാതയില് വലിയകലുങ്ക് കനാല്പാലത്തിന് കീഴില് മണ്ണുമാന്തിയുമായെത്തിയ ചരക്കു ലോറി കുടുങ്ങി. ഇന്ന് വൈകിട്ടോടെ റാന്നി ഭാഗത്തു നിന്നും പത്തനംതിട്ടയിലേക്കു വന്ന ലോറിയാണ് പാലത്തിന്റെ അടിയില് അകപ്പെട്ടത്. ലോറിയും മണ്ണുമാന്തിയന്ത്രവും അടിയില് പെട്ടതോടെ പാതയില് ഗതാഗത കുരുക്കും ഉണ്ടായി. മണ്ണുമാന്തി യന്ത്രത്തിന്റെ കാബിന് നീര്പാലത്തില് കുടുങ്ങി കേടുപാടുകള് സംഭവിച്ചു. പിന്നീട് വളരെ ശ്രമപ്പെട്ടാണ് ലോറി പിന്നോട്ടെടുത്ത് മാറ്റിയത്. സംസ്ഥാന പാത ഉന്നത നിലവാരത്തില് നിര്മ്മിച്ചത് പഴയതില് നിന്നും രണ്ടടിയോളം ഉയര്ത്തിയായിരുന്നു. ഇതോടെ ഉയരം കൂടിയ വാഹനങ്ങള് കനാല്പാലത്തിന് അടിയില്പെടുന്നത് നിത്യസംഭവമായിരുന്നു. പരാതി വ്യാപകം ആയതോടെ പൊതുമരാമത്ത് മന്ത്രി സ്ഥലം സന്ദര്ശിക്കുകയും മേല്പ്പാലം നിര്മ്മിക്കുന്ന കാര്യം പരിഗണിക്കുമെന്നും പറഞ്ഞിരുന്നു. എന്നാല് അധിക തുക അനുവദിക്കാനാവില്ലെന്ന പൊതുമരാമത്ത് വകുപ്പിന്റെ നിലപാടില് പാത പഴയപടി തുടരുകയായിരുന്നു. പാലത്തിന്റെ ഉയരം സൂചിപ്പിക്കുന്ന ബോര്ഡും സുരക്ഷയ്ക്കായി ഇരുമ്പ് പൈപ്പും ഒരു വശത്ത് സ്ഥാപിച്ചിട്ടുണ്ട്. മറുവശത്തും ഇതു സ്ഥാപിച്ചില്ലെങ്കില് വീണ്ടും ലോറികള് ഇടിച്ചു കയറാന് കാരണമാവും. ഇതിന് വേണ്ട പ്രവര്ത്തനങ്ങള് അധികൃതര് നടത്തണമെന്ന് നാട്ടുകാര് ആവശ്യപ്പെട്ടു.
WANTED MARKETING MANAGER
സംസ്ഥാനസര്ക്കാരിന്റെ ഇന്ഫര്മേഷന് & പബ്ലിക് റിലേഷന്സ് ഡിപ്പാര്ട്ട്മെന്റിന്റെ (I&PRD) അംഗീകാരമുള്ള പ്രമുഖ ഓണ്ലൈന് ന്യൂസ് ചാനല് ആയ പത്തനംതിട്ട മീഡിയായില് (www.pathanamthittamedia.com) മാര്ക്കറ്റിംഗ് മാനേജരുടെ ഒഴിവുണ്ട്. യോഗ്യരായ ഉദ്യോഗാര്ത്ഥികളില് നിന്നും അപേക്ഷകള് ക്ഷണിക്കുന്നു. ഏതെങ്കിലും മാധ്യമ സ്ഥാപനത്തിന്റെ പരസ്യ വിഭാഗത്തില് മുന്പരിചയം ഉണ്ടായിരിക്കണം. പത്തനംതിട്ടയിലെ ഓഫീസ് കേന്ദ്രീകരിച്ചായിരിക്കും ജോലി. താല്പ്പര്യമുള്ളവര് പാസ്പോര്ട്ട് സൈസ് ഫോട്ടോ സഹിതം വിശദമായ ബയോഡാറ്റാ മെയില് ചെയ്യുക. [email protected] കൂടുതല് വിവരങ്ങള്ക്ക് 94473 66263, 85471 98263, 0468 2333033 എന്നീ നമ്പരുകളില് ബന്ധപ്പെടാം.
