കോന്നി : തണ്ണിത്തോട് തൂമ്പാകുളത്ത് കടുവയുടെ ആക്രമണത്തിൽ പരുക്കേറ്റ പശു ചത്തു. തൂമ്പാക്കുളം മേൽത്തട്ട് കളത്തിൽ വീട്ടിൽ സുനിലിന്റെ പശുവിനെ ആണ് കടുവ ആക്രമിച്ചത്. അവശനിലയിൽ ആയ പശു പിന്നീട് ചാവുകയായിരുന്നു. പശുവിന് കഴുത്തിൽ സാരമായി മുറിവേറ്റിരുന്നു. തണ്ണിത്തോട് വെറ്റിനറി സർജൻ വിജി വിജയന്റെ നേതൃത്വത്തിൽ പോസ്റ്റ് മോർട്ടം നടപടികൾ സ്വീകരിച്ച ശേഷം ജഡം മറവ് ചെയ്തു. കഴുത്തിൽ ആഴത്തിൽ കടുവയുടെ കടിയേറ്റിട്ടുണ്ടെന്നും വേറ്റിനറി ഡോക്ടർ പറഞ്ഞു.
