കോന്നി : കലഞ്ഞൂർ പാടം വാണിയംപാറയിൽ റോഡരുകിൽ അവശനിലയിൽ കണ്ടെത്തിയ മയിലിനെ വന പാലകർ രക്ഷപെടുത്തി. കഴിഞ്ഞ ദിവസം വൈകുന്നേരം ആണ് മയിലിനെ അവശനിലയിൽ കണ്ടെത്തിയത്. സംഭവം ശ്രദ്ധയിൽപെട്ട എ ഐ വൈ എഫ് ജില്ലാ കമ്മിറ്റി അംഗം പ്രശാന്ത് വിവരം വനപാലകരെ അറിയിക്കുകയും തുടർന്ന് പാടം ഫോറെസ്റ്റ് ഡെപ്യൂട്ടി റേഞ്ച് ഓഫീസർ അനിൽ ബേബിയുടെ നേതൃത്വത്തിൽ ഉള്ള വനപാലക സംഘം സ്ഥലത്ത് എത്തി മയിലിനെ പാടം ഫോറെസ്റ്റേഷനിൽ എത്തിച്ച് ചികിത്സ നൽകുകയും ചെയ്തു. മയിലിന്റെ കാലിന് പരിക്ക് സംഭവിച്ചതായും ആവശ്യമെങ്കിൽ കോന്നി ഫോറെസ്റ്റ് വെറ്റിനറി ആശുപത്രിയിൽ എത്തിച്ചു ചികിത്സ നൽകുമെന്നും വനപാലകർ അറിയിച്ചു.
