പത്തനംതിട്ട : ബസ് കാത്തിരിപ്പ് കേന്ദ്രം പണിഞ്ഞ് സൗഹൃദകൂട്ടായ്മ അംഗങ്ങൾ. അട്ടച്ചാക്കല് -കുമ്പളാംപൊയ്ക റോഡില് മഹിമനഗര് ജംഗ്ഷനിലാണ് (കൈപ്പള്ളിപ്പടി) ഹരിതപ്രോട്ടോക്കോള് പാലിച്ച് തനത് രീതിയില് ബസ്കാത്തിരിപ്പ് കേന്ദ്രം പണിഞ്ഞത്. വര്ഷങ്ങളായി ബസ് സര്വ്വീസുള്ള ഈ റൂട്ടില് വെയിലും മഴയുമേറ്റ് ആളുകള് ഏറേ ബുദ്ധിമുട്ടിയിരുന്നു. ഇതിനൊരു പരിഹാരമായിരിക്കുകയാണ് ഇപ്പോൾ. നിലവില് വിവിധ സ്കൂളുകളില് പഠിക്കുന്ന കുട്ടികള്ക്കും ബസ്കാത്തിരിപ്പ് കേന്ദ്രം ഏറേ പ്രയോജനം ചെയ്യും.
ഒരു ദിവസം കൊണ്ട് ഓലയും മുളയും ഉപയോഗിച്ച് തനത് രീതിയിലാണ് സൗഹൃദ കൂട്ടായ്മയുടെ പ്രവര്ത്തകര് ബസ് കാത്തിരിപ്പ് കേന്ദ്രം നിര്മ്മാണം പൂര്ത്തിയാക്കിയിരിക്കുന്നത്. അപകടവളവ് സ്ഥിതി ചെയ്യുന്ന ഇവിടെ ഉടന്തന്നെ മിറര് സ്ഥാപിക്കുമെന്നും ഭാരവാഹികള് പറഞ്ഞു. തമിഴ്നാട് പുനലൂര് ഭാഗത്ത് നിന്നുള്ള അയ്യപ്പഭക്തര് കടന്നു പോകുന്ന തിരക്കേറിയ പാത കൂടിയാണിത്.
