ചിറ്റൂര് : കവര്ച്ചക്കൊരുങ്ങിയ 13 അംഗ ക്വട്ടേഷന് സംഘത്തെ പിടികൂടി ചിറ്റൂര് പോലീസ്. തൃശൂര് സ്വദേശികളായ സെബിന് (36), സിജിന് എന്ന കാര്ത്തു (37), വിനേഷ് (38), സജിത്ത് എന്ന മണി (37), നിഖില് എന്ന മുത്തു (28), ഉല്ലാസ് (39), രഞ്ജിത്ത് (39), നിധീഷ് (38), മുകേഷ് (35), അനീഷ് (39) നിഖില് (35), ഷാനവാസ് (30) എറണാകുളം സ്വദേശി സ്വരൂപ് (32) എന്നിവരാണ് പിടിയിലായത്.
വ്യാഴാഴ്ചയാണ് കവര്ച്ച പദ്ധതിയുമായി സംഘം നല്ലേപ്പിള്ളി പന്നിപ്പെരുന്തലയിലെ സങ്കേതത്തിലെത്തിയത്. പദ്ധതി ആസൂത്രണം ചെയ്ത ആളുടെ നിര്ദേശത്തിനായി കാത്തിരിക്കവെയാണ് പോലീസ് പിടികൂടിയത്. പിടിയിലായവര്ക്ക് കവര്ച്ചയെ സംബന്ധിച്ച് അറിവില്ല. ഇവര്ക്ക് നിര്ദേശം നല്കുന്ന ആളെ സംബന്ധിച്ച് പോലീസിന് വിവരം ലഭിച്ചിട്ടുണ്ടെന്നും ഇയാള് പിടിയിലാവുന്നതോടെ കവര്ച്ച പദ്ധതിയെക്കുറിച്ച് കൂടുതല് വിവരങ്ങള് ലഭ്യമാവുമെന്നും പോലീസ് പറഞ്ഞു.