മസ്കത്ത് : പന്തളം സ്വദേശി ഹൃദയാഘാതം മൂലം ഒമാനില് മരിച്ചു. പന്തളം കടയ്ക്കാട് സ്വദേശി മുബാഷിര് മുഹമ്മദ് (35) ആണ് മസ്കത്തിലെ വാദികബീറില് മരിച്ചത്. ഒമാനിലെ പ്രമുഖ ബിസിനസ് ഗ്രൂപ്പായ ടവല് കമ്ബനിയിലെ ജീവനക്കാരനായിരുന്നു. പത്തനംതിട്ട പന്തളം കടക്കാട് മുബഷിര് മന്സിലില് മുഹമ്മദ് റാവുത്തര് – മന്സൂറ ബീവി എന്നിവരുടെ മകനാണ്.
ഭാര്യ: മിന്നു മുബഷിര്. മകള്: ഫാത്തിമ മുബഷിര്. സഹോദരി: മുംതാസ്. കുടുംബവുമൊത്ത് വാദികബീറിലാണ് താമസം. റൂവി കൗള ആശുപത്രി മോര്ച്ചറിയില് സൂക്ഷിച്ച ഭൗതിക ശരീരം കൊവിഡ് പരിശോധനക്ക് ശേഷം നെഗറ്റീവ് ആണെങ്കില് നാട്ടിലേക്ക് കൊണ്ടുപോവാനുള്ള നടപടിക്രമങ്ങള് പുരോഗമിക്കുന്നു.മയ്യത്ത് പന്തളം കടക്കാട് മുസ്ലിം ജുമാമസ്ജിദ് ഖബര്സ്ഥാനില് ഖബറടക്കും.
