സിപിഎം പ്രവർത്തകനായിരുന്നിട്ടും ബാബുവിന്റെ സ്ഥലം കൈയ്യേറി ബസ് കാത്തിരിപ്പ് കേന്ദ്രം സ്ഥാപിക്കുവാൻ പഞ്ചായത്ത് പ്രസിഡന്റും പഞ്ചായത്ത് അംഗവും സിപിഎം ലോക്കൽ സെക്രട്ടറിയും നടത്തിയ ശ്രമവും ഭീഷണിയുമാണ് ആത്മഹത്യയിലേക്ക് നയിച്ചത്. സിപിഎം നേതാക്കൾക്ക് ഒരു നിയമവും മറ്റുള്ളവർക്ക് മറ്റൊരു നിയമവുമെന്ന പോലീസ് നിലപാട് ജനാധിപത്യ വിരുദ്ധവും ഒരുകാരണവശാലും അംഗീകരിക്കാൻ കഴിയാത്തതുമാണ്. തന്റെ ആത്മഹത്യയ്ക്ക് കാരണക്കാരായവരുടെ പേര് എഴുതിവെച്ചിട്ടുപോലും പോലീസ് കേസ് എടുക്കാത്തത് ധിക്കാരപരമാണ്. ഇതിനെതിരെ കോൺഗ്രസ് അതിശക്തമായ സമര പരിപാടികൾ സംഘടിപ്പിക്കുമെന്ന് കൊടിക്കുന്നിൽ സുരേഷ് മുന്നറിയിപ്പു നൽകി.
കോൺഗ്രസ് മണ്ഡലം പ്രസിഡന്റ് പ്രമോദ് മാമ്പാറ അധ്യക്ഷത വഹിച്ചു. ഡിസിസി പ്രസിഡന്റ് പ്രൊഫ. സതീഷ് കൊച്ചുപറമ്പിൽ, റിങ്കു ചെറിയാൻ, ടി.കെ.സാജു, സാമുവൽ കിഴക്കുപുറം, സജി കൊട്ടക്കാട്, എബ്രഹാം മാത്യു പനച്ചിമൂട്ടിൽ, ലിജു ജോർജ്, ടി.എസ്.സജി, രാജൻ വെട്ടിക്കൽ, പ്രകാശ് തോമസ്, പി.ടി.രാജു, സി.ആർ.മോഹനൻ, സന്ധ്യ ടീച്ചർ എന്നിവർ പ്രസംഗിച്ചു.
