കര്‍ണാടക : വ്യാഴാഴ്ച കര്‍ണാടകയിലെ ദക്ഷിണ കന്നഡ ജില്ലയില്‍ നടന്ന പരമ്ബരാഗത വിവാഹ ചടങ്ങാണ് സോഷ്യല്‍ മീഡിയയിലെ ഇപ്പോഴത്തെ ചര്‍ച്ച വിഷയം. മരിച്ച്‌ 30 വര്‍ഷങ്ങള്‍ക്ക് ശേഷം ശോഭയും ചന്ദപ്പയും വിവാഹിതരായിരിക്കുകയാണ്. മരിച്ച്‌ പോയ ആത്മാക്കളെ ബഹുമാനിക്കുന്നതിനുള്ള ഒരു മാര്‍ഗമാണിത്. ജനിക്കുമ്ബോള്‍ തന്നെ ജീവന്‍ നഷ്ടമാകുന്നവര്‍ക്ക് വേണ്ടിയാണ് ഈ വിവാഹം നടത്തുന്നത്.
യൂട്യൂബറായ അന്നി അരുണ്‍ ഇത്തരമൊരു വിവാഹത്തിന്റെ വിശേഷങ്ങള്‍ ട്വിറ്ററിലൂടെ പങ്കുവെച്ചിട്ടുണ്ട്. വ്യാഴാഴ്ചയായിരുന്നു ശോഭയുടേയും ചന്ദപ്പയുടേയും വിവാഹം. പരമ്പരാഗതരീതിയിലായിരുന്നു വിവാഹച്ചടങ്ങുകള്‍. പക്ഷേ ഇരുവരുടേയും മരണം നടന്ന് മുപ്പത് കൊല്ലം മുമ്പ്. അവരുടെ വിവാഹമാണിന്ന്. 20 ട്വീറ്റുകളിലായാണ് അന്നി അരുണ്‍ വിവാഹവിശേഷങ്ങള്‍ ഷെയര്‍ ചെയ്തിരിക്കുന്നത്. പിറവിയില്‍ തന്നെ മരിക്കുന്ന കുട്ടിയ്ക്ക്‌ പറ്റിയ അത്തരത്തില്‍ മരിച്ച മറ്റൊരു പങ്കാളിയെ കണ്ടെത്തിയാണ് വിവാഹം നടത്തുന്നത്. ഇരുവരുടേയും വീട്ടുകാര്‍ പരസ്പരം വീടുകള്‍ സന്ദര്‍ശിച്ച് വിവാഹം നിശ്ചയിക്കും. എല്ലാ ചടങ്ങുകളും സാധാരണ വിവാഹത്തിന്റേതുപോലെ തന്നെ.
