റാന്നി: വടശ്ശേരിക്കര ചിറ്റാർ റൂട്ടിൽ കാരികയത്തിന് സമീപം റോഡിലേക്ക് മരം ഒടിഞ്ഞുവീണ് മണിക്കൂറുകളോളം ഗതാഗതം തടസ്സപ്പെട്ടു. ഇന്നു ഉച്ചയോടെ ഉണ്ടായ അതിശക്തമായ കാറ്റിൽ കെഎസ്ഇബി ലൈനുകൾ പൊട്ടിച്ചുകൊണ്ട് റോഡിലേക്ക് വീഴുകയായിരുന്നു വൻമരം. നാട്ടുകാരും സീതത്തോട് ഫയർഫോഴ്സ് അംഗങ്ങളും കെഎസ്ഇബി ഉദ്യോഗസ്ഥരും കൂടി മണിക്കൂറുകൾ നീണ്ട ശ്രമങ്ങൾക്കൊടുവിൽ ഗതാഗതം പുനസ്ഥാപിച്ചു. എന്നാൽ കെഎസ്ഇബി ലൈനുകൾ എല്ലാം തന്നെ പോയതിനാൽ ഭാഗികമായി മാത്രമേ വൈദ്യുതി പുനഃസ്ഥാപിക്കാൻ കഴിഞ്ഞുള്ളൂ. നാളെ ഉച്ചയ്ക്ക് മുൻപ് വൈദ്യുതി പൂർണ്ണമായി പുനഃസ്ഥാപിക്കാൻ കഴിയും എന്ന് ബന്ധപ്പെട്ട അധികാരികൾ പറഞ്ഞു. അപകടത്തോട് കൂടി കെഎസ്ഇബിക്ക് ലക്ഷങ്ങളുടെ നഷ്ടം ഉണ്ടായിരിക്കുന്നത്.
