വടശ്ശേരിക്കര : വടശ്ശേരിക്കര കോടമലയില് ഉപയോഗശൂന്യമായ കിണറ്റില് വീണ കാട്ടുപോത്തിനെ രക്ഷപെടുത്താന് ശ്രമിക്കുന്നതിനിടെ പോത്ത് ചത്തു. കോടമല സുമാലയം സുരേഷിന്റെ ഉടമസ്ഥതയിലുള്ള ആള്മറയില്ലാത്ത കിണറ്റിലാണ് കാട്ടുപോത്ത് വീണത്. ഏകദേശം രണ്ട് വയസ്സോളം പ്രായമുള്ള പോത്ത് കിണറ്റില് വീണതിനെ തുടര്ന്ന് വീട്ടുകാര് വനപാലകരെ വിവരം ധരിപ്പിക്കുകയായിരുന്നു. റാന്നി ഫോറസ്റ്റ് ഡിവിഷനില് വടശേരിക്കര റേഞ്ചില് തണ്ണിത്തോട് ഫോറസ്റ്റ് സ്റ്റേഷന് പരിധിയില്പ്പെടുന്നതാണ് ഈ പ്രദേശം. തുടര്ന്ന് തണ്ണിത്തോട് ഫോറസ്റ്റ് സ്റ്റേഷനിലെ ഉദ്യോഗസ്ഥര്, കോന്നി ഫോറസ്റ്റ് വെറ്റിനറി സര്ജ്ജന് ഡോ.ജെയ്സന്, കോന്നി ഫയര് ഫോഴ്സ് എന്നിവരടങ്ങുന്ന സംഘം സ്ഥലത്തെത്തുകയും കാട്ട് പോത്തിനെ കരയ്ക്ക് കയറ്റാന് ശ്രമം നടത്തുകയുമായിരുന്നു. എന്നാല് ഇതിനിടെ കാട്ടുപോത്ത് ചാവുകയും ചെയ്തു. പോസ്റ്റ്മോര്ട്ടം നടപടികള് പൂര്ത്തിയാക്കിയ ശേഷം മറവ് ചെയ്യുമെന്നും വനപാലകര് അറിയിച്ചു.
പത്തനംതിട്ട മീഡിയ ആപ്പ് പ്ലേ സ്റ്റോറില് ലഭിക്കും
വരിസംഖ്യയും പരിമിതികളുമില്ലാത്ത വാർത്തകളുടെ ലോകത്തേക്ക് വായനക്കാര്ക്ക് സ്വാഗതം. ചുരുങ്ങിയകാലംകൊണ്ട് ഓണ്ലൈന് മാധ്യമരംഗത്ത് ശ്രദ്ധേയമായ പത്തനംതിട്ട മീഡിയയുടെ മൊബൈല് ആപ്പ് (Android) പ്ലേ സ്റ്റോറില് ലഭ്യമാണ്, തികച്ചും സൌജന്യമായി ഇത് ഡൌണ് ലോഡ് ചെയ്യാം. https://play.google.com/store/apps/details?id=com.pathanamthitta.media&pcampaignid=pcampaignidMKT-Other-global-all-co-prtnr-py-PartBadge-Mar2515-1
