ആലത്തൂര്‍: ബ്രഹ്മാനന്ദ സ്വാമി ശിവയോഗി ഗുരുകുലം ബിഎഡ് കോളേജിന്റെ 16 -ാമത് ബിരുദ ദാന ചടങ്ങ് നടന്നു. 2020 – 22 അദ്ധ്യയന വര്‍ഷത്തെ വിദ്യാര്‍ത്ഥികള്‍ക്കുള്ള സര്‍ട്ടിഫിക്കറ്റും ഉപഹാരങ്ങളും നല്‍കിയ പരിപാടി കാലിക്കറ്റ് യൂണിവേഴ്സിറ്റി സ്ഥാപനങ്ങളുടെ ഡയറക്ടറും പ്രിന്‍സിപ്പാളുമായിരുന്ന റിട്ടയേര്‍ഡ് പ്രൊഫസര്‍ കുമാരന്‍ മാസ്റ്റര്‍ ഭദ്രദീപം കൊളുത്തി ഉദ്ഘാടനം നിര്‍വ്വഹിച്ചു.
ബിഎസ്‌എസ് ബി.എഡ് കോളേജിന്റെ പ്രിന്‍സിപ്പാള്‍ ഡോക്ടര്‍. കെ.എസ്. ബാലാംബിക സ്വാഗതപ്രസംഗം നടത്തി. ദയ ചാരിറ്റബിള്‍ ട്രസ്റ്റ് പെരിങ്ങോട്ടുകുറിശ്ശിയുടെ ചെയര്‍മാനും പൂര്‍വ്വ വിദ്യാര്‍ത്ഥിയുമായ ഇ.ബി. രമേഷ്കുമാര്‍, ബിഎസ്‌എസ് വിദ്യാഭ്യാസ സ്ഥാപനങ്ങളുടെ പ്രസിഡന്റ് സി.ബാലചന്ദ്രന്‍, ബിഎസ്‌എസ് സ്ഥാപനങ്ങളുടെ ഡയറക്ടര്‍ ഡോക്ടര്‍ വിജയന്‍ വി ആനന്ദ് എന്നിവരും ഉപഹാരങ്ങള്‍ നല്‍കി ആശംസകളര്‍പ്പിച്ചു സംസാരിച്ചു.
