ആറന്മുള മണ്ഡലത്തില് വീണാ ജോര്ജ്ജിന്റെത് വികസന സ്വപ്നങ്ങള് മാത്രമായിരുന്നെന്നും ഈ സ്വപ്നങ്ങള് അബിന് വര്ക്കിയിലൂടെ അടുത്ത യു.ഡി.എഫ് സര്ക്കാര് നടപ്പിലാക്കുമെന്നും ഡി.സി.സി വൈസ് പ്രസിഡന്റ് അഡ്വ.എ.സുരേഷ് കുമാര്
പത്തനംതിട്ട : രാഷ്ട്രീയ കേരളം ഉറ്റുനോക്കുന്ന ആറന്മുളയില് വീണയെ വിറപ്പിച്ച് അബിന് വര്ക്കി മുന്നേറുകയാണ്. തുടക്കത്തില്ത്തന്നെ തീപാറുന്ന പോരാട്ടവുമായിട്ടാണ് അബിന് വര്ക്കി കോടിയാട്ട് ആറന്മുളയില് കാലുകുത്തിയത്. രണ്ടുതവണ എം.എല്.എയും ഒരുതവണ മന്ത്രിയുമായിരുന്ന വീണാ ജോര്ജ്ജിനെ വളരെ നിഷ് പ്രയാസമാണ് യു.ഡി.എഫ് സ്ഥാനാര്ഥി അബിന് വര്ക്കി പിന്നിലാക്കിയത്. ഒരു മാധ്യമ പ്രവര്ത്തക എന്ന നിലയില് മികവു തെളിയിച്ച വീണാ ജോര്ജ്ജിന് കോണ്ഗ്രസിന്റെ യുവനേതാവായ അബിന് വര്ക്കിയുടെ മുമ്പില് കാലിടറുകയാണ്. നേരിട്ടുള്ള സംവാദത്തില് അബിന് വര്ക്കിയുടെ ചോദ്യങ്ങള്ക്ക് മുമ്പില് വീണാ ജോര്ജ്ജിന് ഉത്തരം പറയുവാന് കഴിഞ്ഞില്ല. ചോദ്യശരങ്ങള്ക്കൊണ്ട് പല പ്രമുഖരേയും മുട്ടുകുത്തിച്ചിട്ടുള്ള വീണാ ജോര്ജ്ജ് കടുത്ത ആത്മസംഘര്ഷത്തില് ആണെന്ന് കരുതേണ്ടിയിരിക്കുന്നു.
കോഴഞ്ചേരി സെന്റ് തോമസ് കോളേജില് വോട്ട് ചോദിക്കാനെത്തിയ അബിന് വര്ക്കിയെ എസ്എഫ്ഐ പ്രവര്ത്തകരെക്കൊണ്ട് തടയുവാനും പ്രശ്നങ്ങള് സൃഷ്ടിക്കുവാനും ശ്രമിച്ചത് ഇതിനു പിന്നാലെ ഇന്ന് നടന്ന സംഭവമാണ്. എന്നാല് വെല്ലുവിളികളെ അതിജീവിച്ച് വോട്ട് തേടിയ യൂത്ത് കോണ്ഗ്രസ് ദേശീയ സെക്രട്ടറി പ്രചാരണ രംഗത്ത് സജീവമായി മുന്നേറുകയാണ്. ഭരണവിരുദ്ധ വികാരം കേരളത്തില് അലയടിക്കുകയാണെന്നും ആറന്മുള മണ്ഡലത്തില് വീണാ ജോര്ജ്ജിന്റെത് വികസന സ്വപ്നങ്ങള് മാത്രമായിരുന്നെന്നും ഈ സ്വപ്നങ്ങള് അബിന് വര്ക്കിയിലൂടെ അടുത്ത യു.ഡി.എഫ് സര്ക്കാര് നടപ്പിലാക്കുമെന്നും ഡി.സി.സി വൈസ് പ്രസിഡന്റ് അഡ്വ.എ.സുരേഷ് കുമാര് പറഞ്ഞു.
