പത്തനംതിട്ട : യു.ഡി.എഫ് സ്ഥാനാര്ത്ഥികളുടെ തെരഞ്ഞെടുപ്പ് പ്രചരണവുമായി ബന്ധപ്പെട്ട് യൂത്ത് കോണ്ഗ്രസ് അഖിലേന്ത്യ ജനറല് സെക്രട്ടറി അഡ്വ. അബിന് വര്ക്കി കോടിയാട്ട് ജില്ലയില് പര്യടനം നടത്തുമെന്ന് ഡി.സി.സി സംഘടനാകാര്യ ജനറല് സെക്രട്ടറിയും പ്രോഗ്രാം കോ-ഓര്ഡിനേറ്ററുമായ സാമുവല് കിഴക്കുപുറം അറിയിച്ചു. നാളെ (28) രാവിലെ 9.30 ന് ആറന്മുള, 10.30 ന് കുമ്പനാട്, 12.30 മുതല് 2.30 വരെ പത്തനംതിട്ട, 3.30 ന് മല്ലപ്പുഴശ്ശേരി തറയില്മുക്ക്, 4 മണിക്ക് മെഴുവേലി, 4.30 ന് തോട്ടപ്പുഴശ്ശേരി, 5 മണിക്ക് ഇലന്തൂര് നെടുവേലി ജംഗ്ഷന് എന്നിവിടങ്ങളില് പങ്കെടുക്കും.
ശനിയാഴ്ച (29) രാവിലെ 7.30 ന് ഓമല്ലൂര് മാര്ക്കറ്റ്, 9.30ന് സീതത്തോട്, ഉച്ചക്ക് 1 മണി മുതല് നാറാണംമ്മൂഴി, റാന്നി-അങ്ങാടി, 5 മണിക്ക് കുമ്പഴ, 5.30 ന് പ്രക്കാനം, 6 മണിക്ക് കൈപ്പട്ടൂര് എന്നിവിടങ്ങളില് പങ്കെടുക്കും. കുടുംബയോഗങ്ങള്, ഭവന സന്ദര്ശനം, പൊതുയോഗം എന്നിങ്ങനെയാണ് പരിപാടികള് എന്ന് സാമുവല് കിഴക്കുപുറം പറഞ്ഞു. വ്യാഴാഴ്ച കൊടുമണ്, കോഴഞ്ചേരി, കുളനട, പറക്കോട് എന്നിവിടങ്ങളിലെ വിവിധ യോഗങ്ങളില് അബിന് വര്ക്കി പങ്കെടുത്തു.
